Գործողությունների համատեղ և համապարփակ ծրագրին (ԳՀՀԾ) խելամիտ այլընտրանք չկա, Մոսկվան և Փարիզը մտադիր են շարունակել համաձայնագրի պահպանման աշխատանքը, ասել է ՌԴ ԱԳ նախարար Սերգեյ Լավրովը երկու երկրների ԱԳՆ և ՊՆ ղեկավարների՝ «2-2» ձևաչափով բանակցությունների արդյունքներով հրավիրված մամուլի ասուլիսում: Այս մասին տեղեկացնում է РИА Новости-ն։
«Պայմանավորվել ենք շարունակել փոխգործակցությունը՝ Իրանի միջուկային ծրագրի վերաբերյալ Գործողությունների համատեղ և համապարփակ ծրագրի պահպանման նպատակով։ Այդ նպատակը մեր երկկողմանի համոզմամբ՝ այլընտրանք չունի, մենք ողջունում ենք, և դա հաստատվել է նախագահ Վլադիմիր Պուտինի և Էմանուել Մակրոնի հեռախոսազրույցում, որը տեղի է ունեցել երեկ, մենք ողջունում ենք նախաձեռնողական քայլերը, որոնք ձեռնարկում են Ֆրանսիան, նրա նախագահը պայմանավորվածություններ գտնելու ուղղությամբ, որոնք թույլ կտային լրիվ ծավալով պահպանել ԳՀՀԾ-ն՝ այդ պլանով նախատեսված ԻԻՀ տնտեսական շահերն ապահովելով»,- ասաց Լավրովը։
Հանդիպումները տեղի են ունենում Մոսկվայում, Անվտանգության հարցերով ռուս-ֆրանսիական Համագործակցության խորհրդի 12-րդ նիստի շրջանակում, «2+2» ձևաչափով։
