Հրթիռակոծվել է Իրաքյան Քուրդիստանի մայրաքաղաք Էրբիլը․ քաղաքի ուղղությամբ արձակվել է 14 բալիստիկ հրթիռ։
Այս մասին հայտնել է Rudaw հեռուստաալիքը։
Նշվում է, որ դրանց թիրախը եղել է Ամերիկյան հյուպատոսության շենքը, սակայն հրթիռներից ոչ մեկը լուրջ ավերածություններ չի առաջացրել։ Չկան տուժածներ ու զոհեր։
Ինչպես գրում է Associated Press-ը՝ հղում կատարելով իր իրաքյան և ամերիկյան աղբյուրներին, հրթիռներն արձակվել են Իրանի տարածքից։
Քուրդ ուժայիններն այժմ հետաքննություն են իրականացնում։