Վերջին շաբաթների ընթացքում Իրանում նկատել է կորոնավիրուսով վարակման դեպքերի արագ աճ, ինչը մտավախություն է առաջացրել, որ հնարավոր է, որ սկսվել է համաճարակի երկրորդ ալիքը:
Իրանում վիրուսը ապրիլի կեսերին նահանջեց, ինչի պատճառով թուլացան սահմանափակումները։
Որքա՞ն արագ են թվերն աճում Իրանում
Հունիսի առաջին շաբաթվա ընթացքում նոր վարակները միջին հաշվով ավելին են 3000-ից:
Հունիսի 4-ին այդ ցուցանիշը հասել է 3.574-ի, նախքան չնչին անկումը:
Նախորդ ամենաբարձր ցուցանիշը կազմել է 3 186 մարդ՝ մարտի 30-ին։ Իրանը, Չինաստանից հետո, դարձավ ամենաշատ վարակակիր ունեցող երկրներից մեկը:
Այդ ժամանակ Իրանի իշխանություններին քննադատում էին, որ Քոմ քաղաքում մզկիթներն ու հիմնական կրոնական վայրերը փակելու որոշման մեջ տատանվում էին։ Այս որոշումը որոշ չափով կսահմանափակեր մարդկանց շարժը:
Այնուհետև, ապրիլին, երբ նոր դեպքերի քանակը մեկ օրում նվազում էր 1000-ից, Իրանը սկսեց մեղմել իր սահմանափակումները։
1) Ապրիլի 20. վերաբացվում են Առևտրի կենտրոններն ու շուկաները և թույլատրվում է մարզերի միջև ազատ տեղաշարժը։
2) Ապրիլի 22. վերաբացվեցին հանրային զբոսայգիները և հանգստի գոտիները
3) Մայիսի 12 . Կառավարությունը թույլատրում է վերաբացել բոլոր մզկիթները
4) Մայիսի 25. Շիաների մեծ կրոնական սրբավայրերը վերաբացվեցին
5) Մայիսի 26-. Վերաբացվում են ռեստորանները, սրճարանները, թանգարանները և պատմական վայրերը
Եվ քաղաքային տրանսպորտի համակարգերը ողջ Իրանում, ինչպես նաև բանկերն ու գրասենյակները, լցված էին մարդկանցով:
Համաճարակի, այսպես ասած էպիկենտրոնը, Քոմ և Թեհրան քաղաքներն էին:
Բայց այժմ բռնկումների մասին հաղորդվել է հարավ-արևմուտքում, մասնավորապես Խուզեստան նահանգում՝ նավթով հարուստ տարածաշրջան, որը սահմանակից է Իրաքին:
Ինչո՞ւ է Իրանում աճում վարակվածների թիվը:
Ակնհայտորեն վարակվածների թիվը աճել է սահմանափակումների մեղմման հետ միաժամանակ։ Պաշտոնյաները ենթադրում են, որ նոր դեպքերի աճը կարող է վերածվել ավելի մեծ փորձությունների:
Նախագահ Հասան Ռոհանին ասել է, որ սա նշանակում է, որ դեպքերն ավելի են շատանալու։
Երկրի առողջապահության նախարարությունում Իրանի գլխավոր համաճարակաբան Մոհամմադ-Մեհդի Գույան բացատրել է,-«Թվաքանակի աճի հիմնական պատճառն այն է, որ մենք սկսել ենք նույնականացնել նրանց [վարակակիրներին], ովքեր չունեն ախտանշաններ կամ դրանք արտահայտված են շատ մեղմ»:
Ներկայումս կատարվում է մեկ թեստ յուրաքանչյուր 79 մարդու համար, ինչը տարբերվում է 2 ամիս առաջվա տվյալներից:
Այնուամենայնիվ, երբ նայում եք դրական տեսանկյունից, ակնհայտ աճի միտում կա մայիս ամսվանից ի վեր, երբ ցուցանիշը կտրուկ իջել էր ապրիլին:
Մայիսի 29-ին, թեստավորվածների 11%-ի պատասխանները դրական էին, բայց մինչև հունիսի 6-ը այդ ցուցանիշը բարձրացել էր՝ հասնելով ավելի քան 14%-ի:
Առողջապահության նախարարության ներկայացուցիչները նշել են նաև, որ գրանցված ամենօրյա մահացությունների թիվը ապրիլի կեսերից ի վեր չի գերազանցել 100-ը:
Անցած ամսվա ընթացքում այդ թիվը տատանվում էր 30- 90-ի սահմաններում:
Իս՞կ սոցիալական հեռավորությունը
Առողջապահության նախարար Սաիդ Նամակին ասել է, որ մարդիկ անտեսում են սոցիալական հեռավորության կանոնների պահպանումը:
«Մարդիկ ամբողջությամբ անհոգ են դարձել այս հիվանդության նկատմամբ»,- ասել է նա իրանական լրատվական գործակալությանը:
«Եթե մեր ժողովուրդը չկարողանա հարգել առողջության պահպանման կանոնները, մենք պետք է մեզ պատրաստենք ամենավատ իրավիճակին»:
Եվ անցյալ շաբաթ առողջապահության նախարարությունից ստացված տեղեկությունների համաձայն կարելի է ենթադրել, որ բնակչության 40% -ը պահպանում է սոցիալական հեռավորության կանոնները, մինչդեռ նախկինում այդ ցուցանիշը կազմում էր բնակչության 90%-ը, իսկ 32%-ը հետևում է ինքնամեկուսացման կանոններին։
Ի՞նչ քայլեր են ձեռնարկում իշխանությունները
Նախագահ Հասան Ռոհանին նախազգուշացրել է, որ բռնկումները վատթարանալու դեպքում սահմանափակումները պետք է նորից վերականգնել:
Բայց Թեհրանի ղեկավարությունը չի ցանկանում խոսել «երկրորդ ալիքի» մասին, չնայած որ Իրանի այլ մասերում որոշ պաշտոնյաներ նախազգուշացնում էին այդ մասին:
Եվ մյուս կողմից, ավելացնում է նա, որ չի կարող թույլ տալ շարունակել սահմանափակումները՝ կապված տնտեսության իրավիճակի հետ, որը բախվում է բազմաթիվ մարտահրավերների, ինչպիսիք են ԱՄՆ պատժամիջոցները, կոռուպցիան և սխալ կառավարումը:
Աղբյուրը՝ bbc.com։