ՀՀ ԱԺ անկախ պատգամավոր Արման Բաբաջանյանը Facebook-ի իր էջում գրել է․
«Երեկ Երևանի ընդհանուր իրավասության դատարանի Կենտրոն և Նորք-Մարաշ վարչական շրջանների դատարանի դատավոր Տաթևիկ Գրիգորյանի աշխատասենյակի պատուհանին կրակոց է արձակվել, ինչի առթիվ դատավորը դիմել է Ոստիկանությանը: Դեպքի վայր մեկնած ոստիկանները աշխատասենյակի ապակիների արանքում հայտնաբերել են կրակված գնդակ: Նշանակվել են դատաձգաբանական և դատաքիմիական փորձաքննություններ:
Խստորեն դատապարտում եմ դատավորի նկատմամբ տեղի ունեցած նման անթույլատրելի ոտնձգությունը: Իրավապահ մարմինները պարտավոր են բացահայտել կատարվածը, դրա բոլոր դրդապատճառներն ու շարժառիթները և հանցագործին կամ հանցագործներին ենթարկել խստագույն պատասխանատվության:
Սա ոտնձգություն է ոչ միայն ու ոչ այնքան առանձին վերցրած դատավորի, որքան Հայաստանի դատական համակարգի, արդարադատության գաղափարի նկատմամբ ընդհնարապես: Պետությունը պարտավոր է խստագույն քրեաիրավական գնահատական տալ տեղի ունեցածին՝ ուղերձ հղելով առ այն, որ դատական համակարգն ամբողջության մեջ և դատավորները անհատապես գտնվում են պետության պաշտպանության ներքո:
Որպես Ազգային Ժողովի պատգամավոր հետամուտ եմ լինելու կատարված հանցագործության լիարժեք բացահայտմանը ու դրա հեղինակներին պատասխանատվության կանչելուն:
Հայաստանին օդ ու ջրի պես անհրաժեշտ է անկախ դատական համակարգ: Սակայն դատական համակարգը չի կարող անկախ և անկաշկանդ գործել, եթե ապահովված չեն դատավորների տարրական ֆիզիկական անվտանգության պայմանները»:
https://www.facebook.com/babajanyana/photos/a.2309525339078180/3017023954994978/?type=3&__xts__%5B0%5D=68.ARBmj1D3IMgPX1T96pi00JIhoytpSKTDOANKwwYSs3z1IKPrrXRbp568AnKIZ8tbM5S2EN4AXooej6UC4L4oPU2yBDloQc7u3s0iTkV0aDqYYVdV2c1t4btrmo0hhl7Qc5h4vlz_Rubj5VL78duyPiouXeKl4Bx1taJvlOJv9qTnLpAl0DL5DQLQNjjv3ziCqb_V0XsZXk-VYw_gPODFaGGpYPiepUzToUtiY30Kg1Wij5pkV-PwP2NLZrOhqpuNWTMrt2uLNTGYhSYef-7Gx9qtgcqfPrPGQdp1wiVb3RkYBj09CjOXxgsZdFX2-5MgYph4V-_CpPGo-iVjGLoMg4iu2Dw&__tn__=H-R
ԽՈՐՀՈւՐԴ Է ՏՐՎՈւՄ ԿԱՐԴԱԼ
