Այսօր կայացավ Իսպանիայի Գավաթի խաղարկության կիսաեզրափակչի վիճակահանությունը:
Մադրիդի «Ռեալի» մրցակիցը կլինի կատալոնական «Բարսելոնան», իսկ «Բետիսը» կմրցի «Վալենսիայի» հետ:
Առաջին հանդիպումները կկայանան փետրվարի 5-ին, 6-ին, կամ 7-ին, իսկ պատասխան մրցավեճերը՝փետրվարի 27-ին և 28-ին:
Եթե պատասխան մրցավեճը կայանա փետրվարի 27-ին, ապա 4 օրվա ընթացքում տեղի կունենա երկու Էլ Կլասիկո, քանի որ Լա Լիգայի 26-րդ տուրի շրջանակում «Ռեալն» ու «Բարսելոնան» մրցելու են մարտի 2-ին:
Հաղորդում է armsport.am-ը։