Իտալիայում շարունակում է աճել կորոնավիրուսով վարակվածների թիվը:
Մարտի 15-ի տվյալներով Իտալիայում կորոնավիրուսի հետևանքով մահացել է 368 մարդ, վիրուսի բռնկման պահից ի վեր Իտալիայում գրանցվել է 1809 մահացության դեպք: Այս մասին հայտարարություն է տարածել Իտալիայի քաղաքացիական պաշտպանության դեպարտմենտի ղեկավար Անջելո Բորելին:
Երկիրը այժմ կորոնավիրուսով վարակված մարդկանց թվով աշխարհում երկրորդն է՝ Չինաստանից հետո, այս պահիմ Իտալիայում վարակված է 21157 մարդ, իսկ մեկ օրում գրանցվել է 2853 նոր դեպք:
«Մենք ունենք 369 բուժվածներ, իսկ ամբողջ Իտալիայում բուժվածների ընդհանուր թիվը հասել է 2335-ի: Տնային բուժում է ստանում վարակվածների շուրջ կեսը, վարակվածների շուրջ 10 տոկոսը գտնվում է ինտենսիվ թերապիայի բաժանմունքում»,-ասել է Բորելին:
Հիշեցնենք, որ ամբողջ երկրում գործում է կարանտին և արգելք առանց լուրջ պատճառի բնակչության տեղաշարժի համար: ՆԳՆ-ի տվյալներով՝ չորս օրվա ընթացքում 20 հազար մարդ խախտել է կարանտինը: