Ճապոնիայի իշխանությունները դիվանագիտական ուղիներով լուրջ անհանգստություն են հայտնել Ռուսաստանին և Չինաստանին Ճապոնիայի սահմանների մոտ երկու երկրների ռազմական ինքնաթիռների համատեղ թռիչքի կապակցությամբ։ Այս մասին երեքշաբթի հայտնել է Kyodo գործակալությունը։
Ըստ Ճապոնիայի պաշտպանության նախարարության՝ երեքշաբթի օրը Ռուսաստանի օդատիեզերական ուժերի և չինական ռազմական ավիացիայի վեց ռմբակոծիչներ համատեղ թռիչքներ են իրականացրել Ճապոնական ծովից դեպի Խաղաղ օվկիանոս, ինչպես նաև դեպի Արևելա-չինական ծով:
Ավելի վաղ ՌԴ ՊՆ-ն հայտնել էր, որ ՌԴ օդատիեզերական ուժերի Տու-95ՄՍ ռազմավարական հրթիռակիրների ավիախումբը և Ժողովրդաազատագրական բանակի ռազմաօդային ուժերի Hong-6K ռազմավարական ռմբակոծիչները օդային պարեկություն են իրականացրել Ճապոնիայի ջրերի և Արևելա-չինական ծովերի ջրերի վրայով։ Նախարարությունն ընդգծել է, որ պարեկությունն իրականացվել է 2022 թվականի ռազմական համագործակցության ծրագրի դրույթների իրականացման շրջանակներում և ուղղված չեն երրորդ երկրների դեմ։
