fbpx
Իրավական

Ճգնաժամ կա էն պահից, երբ սահմանադրական փոփոխություններ են իրականացվել, որ չեն ծառայել հանրային շահին․ Ռուստամ Բադասյան

Սահմանադրական դատարանի նորընտիր դատավոր Վահե Գրիգորյանը շարունակում է պնդել, որ ՍԴ-ում կա ճգնաժամ:

Գրիգորյանը իր հայտնի նամակով պնդում է, որ խնդիրը չի կարող կարգավորվել Սահմանադրական դատարանի շրջանակում, և անհրաժեշտ է ՍԴ-ի դատարանակազմական գործիքին առչնություն ունեցող մի շարք մարմինների միջամտությունը:

Ազատություն Ռադիոկայանի «Կիրակնօրյա վերլուծական Հրայր Թամրազյանի հետ» հաղորդման հյուրն էր Արդարադատության նախարար Ռուստամ Բադասյանը․

Ռուստամ Բադասյան․ – Ես կարծում եմ, որ խնդիրները խորքային են, և այդ խնդիրները առաջացել են ոչ թե Վահե Գրիգորյանի կամ ՍԴ տարբեր անդամների տարբեր կարծիքներով, կամ ՍԴ դատավորների, այլ խնդիրը առաջացել է այն ժամանակ, երբ որ Հայաստանում որոշվել է իրականացնել սահմանադրական փոփոխություններ, որը չի բխել հանրային շահից, այլ անձնական շահը սպասարկելու նպատակ է հետապնդել, և այս գործընթացում որոշ անձինք իրենց անձնական շահը հետապնդելով այս կամ այն՝ իրենց համար բարենպաստ իրավիճակին են հասել: Ես կարծում եմ, որ ճգնաժամը առաջացել է այդ պատճառով առաջին հերթին:

«Ազատություն»․ – Այսինքն, Դուք ընդունում եք, որ ճգնաժամ կա:

Բադասյան․ – Ճգնաժամ կա էն պահից սկսված Հայաստանի Հանրապետությունում, երբ որ սահմանադրական փոփոխություններ են իրականացվել, որը չի ծառայել հանրային շահին:

ԱՄԵՆԱԴԻՏՎԱԾՆԵՐԸ

ՎԵՐ