Բորիս Ջոնսոնին կարող են խանգարել Մեծ Բրիտանիայի վարչապետ դառնալու հարցում, անգամ եթե նա ընտրվի որպես Պահպանողական կուսակցության առաջնորդ: Այսպիսի կարծիք են հայտնել Սահմանադրության հարցերով Բրիտանիայի առաջատար փորձագետները: Այս մասին գրում է The Guardian-ը:
Խորհրդարանի որոշ անդամներ սպառնում են դադարեցնել աջակցությունը կուսակցությանը, եթե դրա ղեկավարը դառնա Ջոնսոնը, իսկ վերջինիս զգուշացնում են, որ նրան կարող են խանգարել կառավարության պարագլուխը դառնալու հարցում, եթե պարզվի, որ նա չի կարող կառավարել Ներկայացուցիչների պալատի մեծամասնությանը:
Տվյալ պարագայում քաղաքականության մեջ կարող է միջամտել թագուհին, որը կվերադարձնի Թերեզա Մեյին «բրեքզիթի հարցով փակուղու հետ մեկտեղ»՝ որպես գործող վարչապետ: Եվ հատկապես վերջինս կարող է դառնալ առանցքային գործիչը, որը պալատին խորհուրդ կտա ընտրել նրան, ով կձևավորի հաջորդ կառավարությունը:
Պրոֆեսորներ Ռոբերտ Հեյզելի և Մեգ Ռասելի կարծիքով՝ Ջոնսոնի լեգիտիմությունը կարող է վիճարկվել, եթե անգամ նրա դեմ ելույթ ունենան մի քանի թորի խորհրդականներ, որոնք կհայտարարեն, որ չեն սատարի նրա վարչակազմը:
Տվյալ պահին արդեն երկու խորհրդական՝ Դոմինիկ Գրիվն ու Քեն Կլարկը, հայտարարել են, որ նրանք չեն սատարի կառավարությունը, որը դուրս կգա ԵՄ կազմից առանց գործարքի, ինչը պատրաստվում է իրագործել Ջոնսոնը:
