fbpx
Աշխարհ

Իրանի զինված ուժերի էլիտար զորամիավորումները մաքսանենգ նավթով նավ են կալանքի վերցրել

Իսլամական հեղափոխության պահապանների զորակազմի (ԻՀՊԶ, Իրանի զինված ուժերի էլիտար զորամասեր) ռազմածովային ուժերը կալանքի են վերցրել 11 հազար տոննա մաքսանենգ նավթով նավ: Ինչպես հաղորդում է Fars գործակալությունը, միջադեպը տեղի Է ունեցել Պարսից ծոցում:

«Ի կատարումն Հորմոզգանի նահանգի դատավորի որոշման Իսլամական հեղափոխության պահապանների զորակազմի 1-ին ռազմածովային օկրուգի զինծառայողները կալանել են օտարերկրյա բեռնախոսադրող նավ՝ 11 հազար տոննա մաքսանենգ նավթով»,- մեջբերում է գործակալությունը նահանգի դատական իշխանությունների ներկայացուցիչ Մոջթաբա Գարխամանիի խոսքը:

Նավապետը և նավի անձնակազմը կալանքի տակ են վերցվել հետաքննություն անցկացնելու ժամանակ: Որոշվում է այն իրավական և ֆիզիկական անձանց պատասխանատվության ենթարկելու հարցը, որոնք մասնակից են նավթի ապօրինի բեռնառաքմանը:

Ապրանքների և արժույթի մաքսանենգության դեմ պայքարի մասին օրենքի 20-րդ և 22-րդ հոդվածներին համապատասխան մեղավորներին, բացի ազատազրկումից, սպառնում Է տուգանք՝ ապօրինի փոխադրվող ապրանքի արժեքի 10-ապատիկ չափով:

ԱՄԵՆԱԴԻՏՎԱԾՆԵՐԸ

ՎԵՐ