Կանադայում ավելի քան մեկ միլիոն մարդ մնացել է առանց էլեկտրականության՝ անձրևի պատճառով

Սառը անձրևի և ուժեղ քամիների պատճառով Կանադայի Օնտարիո և Քվեբեկ նահանգների ավելի քան մեկ միլիոն բնակիչ մնացել է առանց էլեկտրականության։ Այս մասին են վկայում PowerOutage.ca պորտալի տվյալները, որը տեղեկատվություն է տրամադրում երկրում էլեկտրաէներգիայի անջատումների մասին։

Այսպիսով, Քվեբեկում առանց էլեկտրականության է մնում մոտ 988 հազար սպառող, Օնտարիոյում՝ ավելի քան 130 հազար։

Չորեքշաբթի օրը ցրտաշունչ անձրևը և ուժեղ քամիները հարվածել են Մոնրեալին և նահանգի որոշ այլ հարավ-արևմտյան հատվածներին, ինչի արդյունքում հարյուր հազարավոր սպառողներ հոսանքազրկվել են, հաղորդում են տեղական լրատվամիջոցները:

Մարտի 22-ին հաղորդվել էր, որ մի քանի հարյուր հազար մարդ Կալիֆոռնիայում մնացել է առանց էլեկտրականության սաստիկ փոթորկի պատճառով։ Մարտի 21-ի ցերեկը փոթորիկը հարվածել է Սան Ֆրանցիսկո և Մոնտերեյ Բեյ շրջաններին: Արդյունքում՝ տարերքները տապալել են ծառեր, հոսանքալարեր են անջատվել, ավելի քան 200 հազար մարդ մնացել է առանց էլեկտրականության։