fbpx
Էկո

Կառավարությունը ընդունեց 15-րդ միջոցառումը. մարզերում շուրջ 1000 աշխատատեղ կբացվի

Կառավարության այսօրվա նիստի ժամանակ քննարկվեց և ընդունվեց կորոնավիրուսի տնտեսական հետևանքների 15-րդ միջոցառումը։

Շրջակա միջավայրի նախարար Էրիկ Գրիգորյանը ներկայացրեց մի նախագիծ, որով առաջարկվում էր, որ Հայաստանի բարձրադիր գոտիներում ուռենու տեսակներով հիմնել ափապաշտպան անտառաշերտեր և այդ աշխատանքներում լայնորեն ներգրավել տեղական բնակչությանը:

«Այդպիսով կստեղծենք լրացուցիչ աշխատատեղեր և կմեղմենք բնակչության եկամտի կրճատման հետ կապված վտանգները: Միջոցառման շահառու են այն բնակիչները, ՀՀ քաղաքացիություն ունեցող և չունեցող անձինք, որոնք կներառվեն այս աշխատանքներում: Աշխատանքները ենթադրում են նախանշված գետերի նախատեսված հատվածներում տեղական տեսակի ուռենու կտրոնների պատրաստման և տնկման աշխատանքներ: Երեք կազմակերպություններ ներգրավված կլինեն: Նախատեսվում է, որ յուրաքանչյուր կտրոնի պատրաստման և տնկման համար 50 դրամ կվճարվի, և մեկ հեկտարի հաշվով մոտ 10 000 կտրոն կտեղադրվի»,- նշել է նախարարը։

Նախարարը հավելել է, որ այս պրակտիկան լայնորեն կիրառվում է ամբողջ աշխարհում, գետերի ափապաշտպան աշխատանքների արդյունքում հողն էրոզիայից կփրկվի, հեղեղումներից կխուսափենք, ջերմաստիճանի կարգավորման կբերի, որն էլ իր դրական ազդեցությունը կունենա ձկների վրա, հետագայում էլ կարող է կիրառվել որպես վառելիք։

ՀՀ Վարչապետ Նիկոլ Փաշինյանը հավելել է, որ  շուրջ 1000 աշխատատեղ է ստեղծվում ծրագրով: Դրանք կլինեն ժամանակավոր, բայց նախատեսվում է ծրագիրը դարձնել շարունակական:

Ինգա Եղիազարյան

ԱՄԵՆԱԴԻՏՎԱԾՆԵՐԸ

ՎԵՐ