fbpx
Էկո
12:00 12/01/2020

Կառավարություն տեղեկությունները հասնում են փչացած հեռախոս խաղի սխեմայով․ Լևոն Գալստյան

Բնապահպան Լևոն Գալստյանը Facebook-ի իր էջում գրել է․

«Ազատություն ռադիոկայանի ֆեյսբուքյան ասուլիսի էջում 2 հարց էի գրել նախարար Սուրեն Պապիկյանին։ Իր պատասխանը միայն այսօր կարողացա դիտել և հասկացա 2 բան․

– առաջինն այն էր, որ ՀՀ կառավարություն տեղեկությունները հասնում են մանկությունից բոլորիս լավ հայտնի փչացած հեռախոս խաղի սխեմայով (ովքեր խաղացել են՝ կհասկանան ինչի մասին է խոսքը),
– և 2-րդն էլ այն էր, որ իր ղեկավարած նախարարությունում քննարկումներ անում են հիմնականում միայն այն խմբերի ու քաղաքացիների հետ՝ ովքեր համակարծիք են իրենց հետ։

Չնայած կարո՞ղ է սխալ եմ հասկացել՝ ժամանակը ցույց կտա․․․ Դուք էլ նայեք պատասխաններն այստեղ՝ 21-րդ րոպեից։

Հարցերս սրանք էին․

1. Մետաղական հանքերի և փոքր ՀԷԿ-երի խնդիրների հարցով ինչո՞ւ չեն նախաձեռնվում հանրային քննարկումներ շահագրգիռ հանրության հետ, ովքեր երկար տարիներ զբաղվել են և հսկայական փորձ, տեղեկություններ և առաջարկներ ունեն։
2. Ինչո՞ւ է ձեր նախարարությունը դեմ ուղիղ ժողովրդավարությանը։ Խոսքը մասնավորապես մետաղական հանքարդյունաբերությունն արգելող հազարավոր ստորագրություններով հանրագրերի արդյունքում 6 համայնքների ավագանիների ընդունած որոշումներն ամեն կերպ չեղարկել ստիպելու նախարարության ջանքերի մասին։ Երբ համայնքներում փաստացի բնակվող մարդկանց գերակշիռ մեծամասնությունը հստակ արտահայտել է իր կարծիքը՝ ի՞նչն է խնդիրը, երբ ավագանիները հավանություն են տվել իրենց ընտրողների ցանկությանը»։

Ազատություն ռադիոկայանի ֆեյսբուքյան ասուլիսի էջում 2 հարց էի գրել նախարար Սուրեն Պապիկյանին։ Իր պատասխանը միայն այսօր…

Gepostet von Լևոն Գալստյան am Samstag, 11. Januar 2020

ՎԵՐՋԻՆ ԼՈւՐԵՐ

Վերեվ