fbpx
Կառավարություն

19:10 16/5/2019

Կառավարությունը արտոնություն տրամադրեց «ԱՐՍ-ՖԱՅՆ» և «ԷֆԱրՎի Մասրիկ» ընկերություններին

✅ Կառավարությունը գերակա ոլորտում իրականացվող ներդրումային ծրագրի շրջանակներում մաքսային արտոնություն տրամադրեց «ԱՐՍ-ՖԱՅՆ» ՍՊ ընկերությանը։ Ներմուծվող ապրանքներն օգտագործվելու են մասնագիտացված հագուստի արտադրության մեջ Երևան քաղաքում: Ընկերությունը կատարելու է 130 մլն դրամի ներդրում՝ ստեղծելով 5 նոր աշխատատեղ: Այժմ ընկերությունն ունի 12 աշխատող 100 հազար դրամ միջին աշխատավարձով:

✅ Կառավարությունը 3 տարի ժամկետով հետաձգեց «ԷֆԱրՎի Մասրիկ» ՓԲ ընկերության կողմից իրականացվող ներդրումային ծրագրի շրջանակներում 2019 թվականի հունիսի 1-ից մինչև 2020 թվականի սեպտեմբերի 1-ը ներառյալ ներմուծվող ապրանքների ավելացված արժեքի հարկի վճարման ժամկետը:

Ներդրումային ծրագրի շրջանակներում ընկերությունը նախատեսում է Գեղարքունիքի մարզի Վարդենիս շրջանում կառուցել 55 ՄՎտ հզորությամբ արևային ֆոտովոլտային կայան։ Գործունեությունը նախատեսվում է սկսել 2020 թվականից։

Հետաձգման ենթակա սարքավորումների համար նախատեսված գումարը կկազմի 885 մլն 900 հազար դրամ։

Ներդրումային ծրագրի իրագործման արդյունքում ընկերությունում երեք տարվա ընթացքում կստեղծվի 10 նոր աշխատատեղ` 130 հազար դրամ միջին աշխատավարձով:

Այս մասին տեղեկանում ենք ՀՀ կառավարության պաշտոնական ալիքից։

Վերեվ