Հռոմում ընթացող ըմբշամարտի Եվրոպայի առաջնությանը Կարեն Ասլանյանը, հաղթելով հունգար Կրիսզիան Վանցզային 7:5 հաշվով, նվաճեց բրոնզե մեդալը:
Ասլանյանը պայքարը սկսեց որակավորման փուլից՝ հաղթելոց շվեդ Օսկար Էրլանդսոնին (3:1 հաշվով), 1/8 եզրափակիչում պարտության մատնեց Վրաստանից Գեորգի Շոտաձեին` 9:0, քառորդ եզրափակիչում հայ ըմբիշը պարտության մատնեց սերբ Մատե Նեմեշին` 10:1 հաշվով: Նա պարտվել էր կիսաեզրափակիչում` զիջելով ռուսաստանցի Նազիր Աբդուլաևին:
Հիշեցնենք, որ Ասլանյանը Եվրոպայի առաջնության բրոնզե մեդալ էր նվաճել 2018 և 2019 թվականներին: