Մադրիդի «Ռեալի» նախկին դարպասապահ Իկեր Կասիլյասը կապված մադրիդյան ակումբի տրանսֆերների հետ կապված հարցում է հրապարակել սոցիալական կայքում:
2015-ից է «Պորտույում» հանդես եկող իսպանացին հարցրել է «Ռեալի» երկրպագուներին, թե որ ֆուտբոլիստն է պետք «Ռեալ»-ին՝ առաջարկելով պատասխանի երեք տարբերակ՝ «ստորագրել Նեյմարին»,«ստորագրել Պոգբային» կամ «վերադարձնել Ռոնալդուին»:
Իսպանական ակումբի երկրպագուների մեծամասնությունը քվեարկել է Ռոնալդուին «արքայական» ակումբ վերադարձնելու օգտին։ Այդ տարբերակի օգտին քվեարկել է երկրպագուների 64 տոկոսը, իսկ Պոգբայի տրանսֆերի օգտին քվեարկել է հարցվածների 22 տոկոսը:
Ավելի քիչ են այն մարդիկ, որոնք իրենց ձայնը տվել են «Բարսելոնայի» նախկին հարձակվող Նեյմարին ձեռք բերելուն, որն այժմ խաղում է ՊՍԺ-ի կազմում (14 տոկոս):
