Խաչատուրյան քույրերից մեկի փաստաբանը հայտնել է, որ քույրերի ցուցմունքները՝ իրենց հոր սպանության գործով, կարող են կեղծված լինել հարցաքննության ժամանակ: Այս մասին հայտնել է ռուսական ТАСС լրատվական գործակալությունը:
Նշվում է, որ պաշտպանական կողմը միջնորդություն է ներկայացրել դատարան և պահանջում է, որ քույրերի նախնական ցուցմունքները, որոնք տրվել էին 2018 թվականի հուլիսի 28 և 29-ին, ենթարկվեն փորձաքննության:
Ըստ փաստաբանի՝ երեք քույրերի ցուցմունքներն էլ գրվել են նույն անձի կողմից: Եթե դատարանը բավարարի միջնորդությունը, ապա ցուցմունքները, որոնց վրա հիմնված է ներկայիս մեղադրանքը, կհամարվեն ոչ իրական:
