Աշխարհի խոշորագույն 7 երկրներից` ԱՄՆ-ից, Կանադայից, Ֆրանսիայից, Բելգիայից, Շվեյցարիայից, Ռուսաստանից և Լիբանանից տասնյակ գործարարներ ապրիլի 27-ին Երևանում կմասնակցեն INVEST ARMENIA 2019 միջազգային գործարար համաժողովին: «Արմենպրես»-ի փոխանցմամբ` համաժողովը կտարբերվի Հայաստանում տեղի ունեցած բոլոր համաժողովներից թե՛ իր ձևաչափով և թե՛ արդյունավետությամբ:
Այն բացառիկ հարթակ կդառնա արտերկրում գտնվող խոշոր գործարարների համար` ներկայացնելու իրենց ներդրումային ծրագրերը և միաժամանակ իրենց հուզող հարցերին տեղում սպառիչ պատասխան ստանալու կոնկրետ ոլորտի ղեկավարներից:
Համաժողովի մասնակիցները եզակի հնարավորություն կունենան ծանոթանալու պետության և մասնավոր սեկտորի կողմից պատրաստված ներդրումային փաթեթներին:
Սա նոր Հայաստանում պետության թափանցիկ և վստահելի աշխատաոճի ու բարձր պատրաստակամության նոր դրսևորում է ներդրողների համար:
