fbpx
Ժամանց

11:30 10/10/2019

Քիմ Քարդաշյանի դուստրը հայկական վզնոց էր կրում․ Daily Mail-ի անդրադարձը

Ամերիկյան Keeping Up With the Kardashians իրապատում շոուի ամերիկահայ աստղ Քիմ Քարդաշյանը երեխաների հետ Հայաստանում պատմական տաճար այցելության ժամանակ հայկական ավանդական վզնոց է կրել։ Այս մասին գրում է Daily Mail-ը:

Գառնու տաճար այցելության ժամանակ, ինչպես գրում է աղբյուրը, ողջ ընտանիքը սև հագուստներով է եղել, իսկ Քիմը և նրա դուստրը՝ Նորթը, կրել են հայկական ավանդական վզնոցներ: Նորթը նաև կրել է համապատասխան ականջօղեր և գլխազարդ:

Աղբյուրի փոխանցմամբ՝ ամերիկյան Keeping Up With the Kardashians իրապատում շոուի աստղի հետ հունահռոմեական սյունազարդ տաճար են այցելել նաև նրա երեքամյա որդին՝ Սեյնթը, մեկուկես տարեկան Չիկագոն և քրոջ որդին՝ իննամյա Մեյսոնը:

Հայաստան այցելությունը բավականին հագեցած էր Քարդաշյան քույրերի համար, քանի որ Քիմն ու Քորթնին երեկ նախագահական նստավայրում հանդիպել են ՀՀ նախագահ Արմեն Սարգսյանի և նրա տիկնոջ՝ Նունե Սարգսյանի հետ և ընթրել միասին:

«Քիմն ու Քորթնին ասել են, որ շատ դրական էներգիա են ստացել Հայաստան կատարած իրենց այցից»,- Instagram-ում գրել է նախագահի գրասենյակը:

Նշվում է, որ Քիմը հանդիպում է ունեցել նաև ՀՀ վարչապետ Նիկոլ Փաշինյանի հետ:

Վերեվ