fbpx
Աշխարհ

Քիմ եւ Քլոե Քարդաշյանները եղել են Կալիֆորնիայի բանտում

Քիմ եւ Քլոե Քարդաշյանները մի խումբ հասարակական գործիչների հետ այցելել են Լոս Անջելես շրջանի Կալիֆորնիայի նահանգային քրեակատարողական հիմնարկի բանտարկյալներին, գրում է People-ը։

Քարդաշյան քույրերն աշխատում են քրեական արդարադատության բարեփոխումների առաջնորդների նոր խումբ ստեղծելու ուղղությամբ։ Մայքլ Ռուբինի եւ Future Shapers Alliance REFORM Խորհրդատվական խորհրդի հետ նրանք այցելեցին Լոս Անջելես շրջանի Կալիֆորնիայի նահանգային քրեակատարողական հիմնարկ՝ զրուցելու բանտարկյալների հետ եւ ավելին իմանալու նրանց փորձառությունների մասին:

«Ինձ համար միշտ պատիվ է, որ կարող եմ այցելել այն տղամարդկանց եւ կանանց, ովքեր ապրում են բանտի պատերի ներքո», – այցից հետո ասել է 42-ամյա Քիմը: «Լսելով բանտային համակարգում հայտնված մարդկանց պատմությունները՝ ես աջակցում եմ բարեփոխումներին եւ իմ հարթակը կօգտագործեմ՝ օգնելու կյանքն ու օրենքները դեպի լավը փոխելու համար: Մենք ստեղծում ենք առաջնորդների եւ ազդեցիկ մարդկանց մի սերունդ, որոնք միանալու են մեզ այս պայքարում»,- ավելացրեց նա:

REFORM Alliance-ը հիմնադրվել է 2018 թվականին ռեփեր Միք Միլի կողմից՝ Ռուբինի, Շոն «JAY-Z» Քարթերի, Ռոբերտ Քրաֆթի եւ այլոց հետ միասին՝ «փոխակերպելու պայմանական վաղաժամկետ ազատումը` փոխելով օրենքները, համակարգերը եւ մշակույթը՝ ստեղծելով աշխատանքի եւ բարգավաճման իրական ուղիներ:

Փետրվարին փաստաբանական խումբը հիմնեց Future Shapers Advisory Board-ը հիմնադիր Սքիմսի հետ՝ փաստաբանների երիտասարդ սերնդին քրեական արդարադատության բարեփոխումների շարժման մեջ ներգրավելու համար:

ԱՄԵՆԱԴԻՏՎԱԾՆԵՐԸ

ՎԵՐ