Ուկրաինայի, Վրաստանի և Լեհաստանի մասնակցությամբ Կիևում ստեղծվել է «Կանանց աշխարհաքաղաքական դաշինք» գլոբալ հարթակը, սակայն դաշինքը պատրաստվում է ընդլայնել աշխարհագրությունը:
Դաշինքի առաջին նիստը մեկնարկել է Կիևում: Բացման խոսքում Ուկրաինայի ներկայացուցիչ Սվետլանա Սալամատովան մեկնաբանել է դաշինքի ստեղծման նպատակներն ու անելիքները:
Նա նշել է, որ հարթակի նպատակն է միավորել կին առաջնորդներին գենդերային հավասարության հաստատման ու կարևոր հարցերի շուրջ որոշումներ կայացնելու համար: Նրա խոսքերով` բանակցություններ են ընթանում Եվրամիությունում իրենց հարթակի համար գագաթնաժողով կազմակերպելու ուղղությամբ:
