Հունաստանի արտաքին գործերի նախարար Նիկոս Դենդիասը հայտարարել է, որ երկիրը ՆԱՏՕ-ի գագաթնաժողովում դաշինքին կխնդրի օգնել Ուկրաինային պաշտպանել Օդեսան։ Այս մասին փոխանցել է «ՌԻԱ նովոստի»-ն:
«Դա շատ պարզ է՝ Ուկրաինային տրամադրեք համապատասխան միջոցներ քաղաքը պաշտպանելու համար: Նրանք արդեն խնդրել են դա,- ասել է նա»:
Դենդիասի խոսքով՝ նա օրեր առաջ եղել է Օդեսայում և զրուցել բնակիչների հետ, ովքեր ուզում են և կարող են պաշտպանել քաղաքը, եթե նրանց համապատասխան միջոցներ տրամադրեն։
