Հուլիսի 12-ին ԱԻ նախարար Ֆելիքս Ցոլակյանը նախարարության համակարգի 6 աշխատակցի շնորհեց հերթական կոչումներ, երկու աշխատակիցներ ստացան պաշտոնի բարձրացում, գերատեսչության անձնակազմի շարքերը համալրվեցին 17 նոր աշխատակիցներով:
Այսօր նախարարի ընդունելությանն արժանացան նաև ՌԴ ԱԻՆ ակադեմիայի մագիստրատուրան ավարտած երեք փրկարար ծառայողներ:
Շնորհավորելով բոլորին՝ նախարարը մաղթեց խաղաղ և անվտանգ աշխատանք, որ յուրաքանչյուրը պարտքի բարձր գիտակցումով վերաբերի իր առաքելությանը և ստանձնած պարտավորություններին:
Այս մասին տեղեկացնում են ՀՀ ԱԻՆ պաշտոնական կայքից։
