Սյունիքի մարզի Գորիս քաղաքի կենտրոնում կրակոցներ են հնչել, որին մասնակից են եղել Սյունիքի նախկին մարզպետ Սուրիկ Խաչատրյանի հարազատները, այդ թվում՝ ավագ որդին ու աներորդին։
Այս մասին գրում է Tert-ը՝ հղում կատարելով իր աղբյուրին։
Նշվում է, որ կրակոցների հետևանքով կա մեկ վիրավոր՝ Մելիքսեթ Բաղդասարյանը, ով էլ հենց հանդիսանում է Սուրիկ Խաչատրյանի աներձագը։ Վերջինիս վիճակը ծայրահեղ ծանր է։
Tert-ը նաև գրում է, որ իր տեղեկություններով՝ կրակոց արձակողը Սյունիքի ներկայիս մարզպետ Մելիքսեթ Պողոսյանի որդին է։ Մարզպետը աղբյուրի հետ զրույցում ասել է, որ ինքը Կապանում է գտնվում ու միջադեպի մասին տվյալներ չունի։