«Բարսելոնան» և «Չելսին» այսօր կշարունակեն բանակցությունները հարձակվող Պյեր-Էմերիկ Օբամեյանգի տրանսֆերի շուրջ։
Ըստ Ֆաբրիցիո Ռոմանոյի՝ կողմերն այսօր կրկին կհանդիպեն գործարքը վերջնական տեսքի բերելու համար։
Ակումբները դեռ հեռու են տրանսֆերի շուրջ համաձայնության գալուց, քանի որ տրանսֆերային արժեքի վերաբերյալ նրանց կարծիքները տարբեր են։ «Չելսին» չի ցանկանում վճարել 33-ամյա խաղացողի համար պահանջվող 30 միլիոն եվրոն, սակայն «Բարսելոնան» հասկանում է, որ «կապույտների» գլխավոր մարզիչ Թոմաս Տուխելը շատ է հավանում խաղացողին և փորձում է առավելագույնս օգտվել այդ հանգամանքից:
