Հասարակություն
11:07 20/09/2021

Չգործող պղնձաձուլարանի 183 աշխատակիցներ կշարունակեն աշխատավարձ ստանալ

Ալավերդու չգործող պղնձաձուլարանի 183 աշխատակիցներ ևս 2 ամիս աշխատավարձ են ստանալու։

Այս մասին Facebook-ի իր էջում սեպտեմբերի 19-ին գրել է ՀՀ ԱԺ պատգամավոր Արեն Մկրտչյանը։

«Ալավերդու պղնձաձուլարանի գործունեության դադարեցումից հետո հանդիպել էի Թեղուտ ՓԲԸ համասեփականատեր Նորիկ Պետրոսյանի հետ, խնդրել չլուծել աշխատակիցների աշխատանքային պայմանագրերը, մինչև հասկանանք՝ ինչ ճակատագիր է ունենալու ձեռնարկությունը։

Արդյունքում 2020թ․ մայիսի 23-ին 183 աշխատակցի հետ կնքվեց աշխատանքային պայմանագիր։

Աշխատակիցներն արդեն 15 ամիս աշխատավարձ են ստանում, ինչի համար շնորհակալ եմ։

Սեպտեմբերի սկզբին աշխատանքային պայմանագրերի ժամկետները ևս 2 ամսով երկարաձգվել են` մինչև հոկտեմբերի 31-ը։ Սա հնարավորություն է տվել ժամանակ շահել Ալավերդիում այլընտրանքային աշխատատեղերի մասով տարվող աշխատանքներում։

Այս ամիսներին լուռ, ծավալուն աշխատանք է տարվել այս մասով, և արդեն կարող եմ ասել` առաջիկայում սպասեք դրական լուրերի», – գրել է Մկրտչյանը։

ՎԵՐՋԻՆ ԼՈւՐԵՐ

ՎԵՐ