Մայիսի 10-ի ժամը 09:00-ի դրությամբ Հայաստանում ավտոճանապարհները հիմնականում անցանելի են, հայտնում են ՀՀ ԱԻՆ պաշտոնական կայքից։
Արագածոտնի մարզի Քարի լիճ տանող ավտոճանապարհը շարունակում է ժամանակավորապես փակ լինել:
Նախարարությունից նշում են, որ ձյուն է տեղում Շիրակի մարզի Աշոցքի և Ամասիայի տարածաշրջաններում:
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը ձնամաքրման ինտենսիվ աշխատանքներից հետո բաց է միայն բեռնատար տրանսպորտային միջոցների համար։