Մարտի 1-3-ը տեղի են ունեցել Գերմանիայի Բունդեսլիգայի 9-11-րդ տուրերը, որին «Բադեն Բադեն» հանրահայտ թիմի կազմում մասնակցել է հայկական շախմատի առաջատար Լևոն Արոնյանը:
Այս մասին հայտնում է Հայաստանի շախմատային ֆեդերացիայի պաշտոնական կայքը:
9-րդ տուրում Արոնյանը հաղթանակ է տոնել Գեորգ Մեյերի նկատմամբ, իսկ 10-րդ և 11-րդ տուրերում ոչ-ոքի է խաղացել համապատասխանաբար Վլադիմիր Ֆեդոսեևի և Ամեն Բասեմի հետ:
Ավելացնենք, որ «Բադեն Բադենի» կազմում հանդես է գալիս նաև Սերգեյ Մովսեսյանը, որը սակայն 9-11-րդ տուրերին ընդգրկված չի եղել թիմի հիմնական կազմում:
11-րդ տուրից հետո «Բադեն Բադենը» 18 թիմային միավորով գլխավորում է մրցաշարին աղյուսակը:
Հաղորդում է armsport.am-ը։