Լոնդոնի ոստիկանությունը ձերբակալել է տղամարդու, որը ձու էր նետել Լեյբորիստական կուսակցության առաջնորդ Ջերեմի Կորբինի ուղղությամբ: Ինչպես տեղեկացնում է BBC-ն, հարձակումը տեղի է ունեցել մարտի 3-ին, երբ Ջերեմի Կորբինը ժողովրդական ակցիայի շրջանակներում այցելել է մզկիթ:
Իրավապահ մարմինների տվյալներով` 41-ամյա անգլիացին ձերբակալվել է հենց դեպքի վայրում:
Ավելի ուշ նրան կալանավորել են հարձակման մեղադրանքով: Ներկայում նա գտնվում է ոստիկանական բաժանմունքում:
