«Ինտերի» հարձակվող Ռոմելու Լուկակուի հասցեին ռասիստական դիտողության համար իտալացի մարզական լրագրող Լուչանո Պասսիրանին հեռացվել է աշխատանքից։ Պասսիրանին խիստ քննադատության է արժանացել նաև հասարակության կողմից:
Իտալացի մարզական լրագրողը TopCalcio24 հեռուստաալիքի եթերի ժամանակ ասել է հետևյալը.
«Եթե խաղի ժամանակ նա մեն-մենակ է դուրս գալիս քո դեմ, դու պարզապես անշնչացած կըկնկնես:
Կարող ես փրկվել, եթե 10 բանան ունենաս, որպեսզի տաս նրան՝ ուտելու»:
Հեռուստատեսության տնօրենը լսելով այս խոսքերը անմիջապես դուրս է եկել եթեր ու ներողություն խնդրել իր գործընկերոջ մեկնաբանության համար: Նա նաև հայտարարել է, որ Պասսիրանին հեռացված է աշխատանքից:
Հիշեցնենք, որ Ա Սերիայում իր առաջին խաղի ժամանակ ևս Լուկակուն ռասիստական վիրավորանքների ենթարկվել է. «Կալյարիի» երկրպագուները սկսել էին նրան ծաղրել կապկական ձայներ արձակելով: