Կրթություն

Քաղաքական ակցիաների մասնակցելու հրահանգի մասին լուրերը սուտ են․ ԿԳՄՍՆ-ի հերքումը

ՀՀ ԿԳՄՍՆ-ի Facebook-ի պաշտոնական էջում գրված է․

«Սիրելի՛ հայրենակիցներ,

սոցիալական ցանցերում որոշ օգտատերերի տարածած լուրերը, թե ՀՀ կրթության, գիտության, մշակույթի և սպորտի նախարարության ենթակայությամբ գործող կառույցների և գերատեսչության աշխատակիցներին հրահանգվել է մասնակցել քաղաքական ակցիաների, չի համապատասխանում իրականությանը։

Հարկ ենք համարում ընդգծել, որ նմանօրինակ կեղծ լուրեր տարածելը չի նպաստում համերաշխության մթնոլորտի ձևավորմանը և հասարակության շրջանում ավելի է սրում առկա լարվածությունը։

Լրատվամիջոցներին, անհատ գործիչներին և քաղաքացիներին կոչ ենք անում զերծ մնալ կեղծ, անհեթեթ լուրեր տարածելուց»։

ՎԵՐՋԻՆ ԼՈւՐԵՐ

ՎԵՐԵՎ