Թո՛ղ Հույսը, Հավատը, Սերը լուսավորեն բոլորիս հոգիները․ նախագահի ուղերձը

ՀՀ նախագահ Արմեն Սարգսյանը ուղերձ է հղել Սուրբ Ծննդի տոնի առթիվ։

«Այսօր մեր Տեր Հիսուս Քրիստոսի Ծննդյան և Աստվածահայտնության տոնն է:

Այն իր մեջ սիրո, համերաշխության և հանդուրժողականության խորհուրդ ունի, այն ամենը, ինչ հատկապես այս օրերին անհրաժեշտ է մեզ։

Թող այդ խորհուրդը մեր մեջ ամրապնդի գիտակցությունը, որ համախմբված ու միասնական, Տիրոջ զորությունը մեր հոգում ունենալով, հույսով ու հավատով լեցուն կարող ենք և կարողանալու ենք ոտքի կանգնել և կառուցել մեր երկիրը, հաղթանակելու վստահությամբ գնալ առաջ։

Թո՛ղ Հույսը, Հավատը, Սերը լուսավորեն բոլորիս հոգիները, մեր ընտանիքներն ու խաղաղություն սփռեն ամենուր։

Աղոթում եմ բոլոր հիվանդների համար և շուտափույթ ապաքինում մաղթում:

Քրիստոս ծնվեց և հայտնվեց:
Ձեզ և մեզ մեծ Ավետիս»:

https://www.facebook.com/Armpresident/posts/733987883917151?__cft__%5B0%5D=AZUJm_8N2q6gRvM46H_QnS6yelK77_xT2u_01aDUaqVSmsZ-D6DVmlXOn2_u4c2Xcw2OoYWWKIuWeC3fjilA6XHkGfyxlr5K8Dt3GHZRJbOC_NNuXXDeh3BMZzrc7f47UCLHNDA2Wcut6JzqblW2KeU7&__tn__=%2CO%2CP-R