Իրանը չի ընկրկի ԱՄՆ-ի կողմից բանեցվող ճնշման առջև։ Այս մասին ասել է Իրանի գերագույն հոգևոր առաջնորդ Ալի Համենեին՝ քննադատելով Ֆրանսիայի նախագահ Էմանուել Մակրոնին՝ Թեհրանի և Վաշինգտոնի միջև բանակցություններ անցկացնելու կոչի համար:
«Ֆրանսիայի նախագահն ասում է, որ բանակցությունները վերջ կտան Թեհրանի և ԱՄՆ-ի միջև առկա խնդիրներին:
Նա կա՛մ միամիտ է, կա՛մ էլ համագործակցում է ամերիկացիների հետ»,-նշել է Համենեին:
Առաջնորդը շեշտել է, որ Իրանը չի ընկրկի ԱՄՆ-ի կողմից բանեցվող ճնշման առջև և բանակցությունների չի գնա։
«Դրանք չեն կարող լուծել առկա խնդիրները», -պատճառաբանել է Համենեին: