«Բարսելոնայի» ավագ Լիոնել Մեսսին նշել է, որ «Ռեալի» դաշտում իրենց համար խաղալն ավելի հեշտ է, քանի տանը։
«Խաղալով Մադրիդում` մենք ավելի շատ ազատ գոտիներ ենք ստանում: «Ռեալն» ավելի շատ է հարձակվում, քանի որ տանտիրոջ կարգավիճակն իրենց պարտադրում է դա անել, տրիբունաները նրանց առաջ են մղում:
«Կամպ Նոու»-ում նրանք այլ կերպ են խաղում` ավելի խորքից, ավելի խիտ և ավելի շատ են դիմում հակագրոհների` օգտագործելով իրենց հարձակվողների արագությունները: «Բերնաբեում» մենք 90 րոպե խաղում ենք հավասար պայմաններում: «Կամպ Նոու» մարզադաշտում խաղերն ավելի փակ ու բարդ են լինում», – Մեսսիի խոսքերը փոխանցում է Marca-ն:
Հիշեցնենք, որ առաջիկա Էլ-կլասիկոն կմեկնարկի վաղը՝ Երևանի ժամանակով 23:00-ին։
