Մահացել է երգիչ Վիլի Տոկարևը

Կյանքից հեռացել է խորհրդային և ռուսական արտիստ Վիլի Տոկարևը: Այս մասին հայտնում է «360» հեռուստաալիքը։

Այդ մասին հայտնել է երգչի ընտանիքը։ Նա 84 տարեկան էր։

Տոկարևի մահվան մասին տեղեկատվությունը հրապարակվել էր «էխո Մոսկվի» կայքում։ Պարբերականը հղում է կատարել Ռուսաստանի ժողովրդական արտիստ Նիկոլայ Թամրազովին, որը ստացել էր տեղեկատվությունը երգչի ընտանիքից։

Վիլի Տոկարևը հանրաճանաչ խորհրդային, ռուսական և ամերիկյան շանսոնյե էր։ Նա «Տարվա շանսոն»-ի եռակի դափնեկիր էր․ պարգևատրվել էր 2015, 2016 և 2017 թվականներին։