Փարիզում այս երեկո կկայանա Ֆրանսիայի հայկական կազմակերպությունների համակարգող խորհրդի (CCAF) ամենամյա ընթրիքը, որին կմասնակցեն քաղաքական գործիչներ, մշակույթի ոլորտի գործիչներ, ԶԼՄ-ների ներկայացուցիչներ: Ինչպես հաղորդում է Armenews.com-ը, ընթրիքին մասնակցելու է նաև Ֆրանսիայի նախագահ Էմանուել Մակրոնը:
Ֆրանսաբնակ հայերի և նրանց բարեկամների համար կարևորագույն իրադարձություն համարվող այս հանդիպման ժամանակ նախագահ Մակրոնի հետ կքննարկվեն մի շարք քաղաքական հարցեր, որոնք առնչվում են պետության և Առաջին համաշխարհային պատերազմից հետո Հայոց ցեղասպանությունը վերապրածների կողմից ձևավորված այս միության հարաբերություններին:
Մարդկության դեմ կատարված այս ոճրագործության դեմ պայքարն արդիական է և ունի ոչ միայն ազգային, այլև միջազգային կարևոր նշանակություն:
Միջոցառումն ուղիղ հեռարձակվելու է CCAF ֆեյսբուքյան էջում: