Ֆրանսիայի նախագահ Էմանուել Մակրոնն ու Գերմանիայի կանցլեր Անգելա Մերկելը նախազգուշացրել են, որ կողմերը զերծ մնան Իրանի միջուկային խնդրի շուրջ վեճը սրելուց:
Թեհրանը երկու օր առաջ հայտարարել էր, որ սառեցնում է 2015 թվականի միջուկային համաձայնագրի դրույթներից մի քանիսը: Փաստաթուղթը կնքած կողմերին տալիս է «ամերիկյան պատժամիջոցները շրջանցելու ուղիներ փնտրելու ժամանակ»:
Սակայն այս հայտարարությունից հետո հայտարարությամբ է հանդես եկել նաև Իրանի հարցով Միացյալ Նահանգների բանագնաց Բրայան Հուքը: Նա նշել է, որ Թեհրանը կրկին դիմում է «միջուկային շանտաժի» մեթոդին:
Վաշինգտոնը նոր պատժամիջոցներ սահմանեց Թեհրանի նկատմամբ՝ այս անգամ թիրախ դարձնելով մետաղագործության և հանքարդյունաբերության ոլորտները: Այդուհանդերձ, ԱՄՆ նախագահ Դոնալդ Թրամփը հայտարարել է, թե բաց է Իրանի առաջնորդների հետ խոսելու համար:
Մակրոնը Ռումինիայում Եվրամիության ոչ պաշտոնական գագաթնաժողովից առաջ լրագրողներին ասել է, որ իրանը այս պայմանգրի շրջանակներում պիտի մնա և պետք է ամեն ինչ անեն դա ապահովելու համար: