Մալայզիայի ոստիկանությունը երգչուհու է ձերբակալել «շանը» փրկելու համար: Ավելի ուշ պարզվել է, որ այն արջի ձագ է։ Այս մասին հաղորդում է Fox News-ը:
27-ամյա Զարիտ Սոֆիա Յասինը պատմել է, որ ճանապարհին անօգնական վիճակում տեսել է կենդանուն և որոշել փրկել՝ կարծելով, որ շուն է: Սակայն ավելի ուշ պարզվել է, որ այն արջի ձագ է:
«Գիտեմ, որ արջին չի կարելի պահել որպես տնային կենդանու, սակայն ես ցանկանում էի փրկել նրան»,- ասել է աղջիկը:
Երգչուհին ձերբակալվել է այն բանի համար, որ իր բնակարանում է պահել արջին:
