«Գոյություն ունեն երկու կողմից սահմանված տուրքեր, և իրանական կողմը կիրառում է մոտ 240 դոլար, և իրենք առաջարկում են 240 դոլարը դարձնել 120 դոլար, բայց պայմանով, որ այսօր գոյություն ունեցող չեզոք գոտում երկու բեռնատարներից իրար բեռներ փոխանցելը, բարձելը դադարեցվեն, և հայկական բեռնատարներն անցնեն իրանական տարածք, գնան գործարաններ կամ պահեստավորման կետեր, որտեղից բարձեն»,- ասաց Գնել Սանոսյանը:
Նա նշեց, որ աշխատանքները տարվում են երկու ուղղությամբ. «Մեկը ճանապարհային վճարի մասին է խոսքը, որը բավական ժամանակ կա և դեռ քննարկվում է՝ կիրառելու հետ կապված, ինչպես նաև էկոնոմիկայի նախարարության մեր գործընկերները քննարկել են երկու երկրների միջև տուրքերը զրոյացնելու և իրար նկատմամբ նման ֆինանսական միջոցներ չկիրառելու և ավելի ազատականացնելու, խթանելու բեռնաշրջանառությունը»:
Նա նշեց, որ այդ քննարկումների ֆոնին իրանական գործընկերներին խնդրել են այժմ գործող կարգավորումներում ոչինչ չփոխել մոտավորապես մեկ ամիս, մինչև որոշում կայացվի:
