Փարիզում կայացած Chanel-ի 2026 թվականի աշուն-ձմեռ հավաքածուի ցուցադրությանը դերասանուհի Մարգո Ռոբին ներկայացել է անսպասելի կերպարանափոխությամբ։ «Մոլեգին հողմերի դարավանդ» ֆիլմի պրոմո-արշավի ընթացքում Ռոբին հայտնի էր իր երկար, ալիքաձև վարսերով, որոնք հիշեցնում էին նրա կերտած հերոսուհուն։ Սակայն այժմ նա հրաժարվել է այդ կերպարից՝ ընտրելով ավելի ժամանակակից և հարմարավետ տարբերակ։
Դերասանուհու ոճաբան Բրայս Սկարլետը նրա համար ընտրել է «լոբ» սանրվածքը, որը հասնում է մինչև ուսերը և համալրված է թեթև, անհավասար ճակատամազով։ Նորաձևության ոլորտի փորձագետները նշում են, որ այս փոփոխությունը ոչ միայն հետևում է ընթացիկ թրենդներին, այլև նշանավորում է Ռոբիի կարիերայի նոր փուլը։ Այս սանրվածքն արդեն իսկ հասցրել է դառնալ քննարկման առարկա՝ որպես ազատ և ոճային կերպարի օրինակ։