fbpx
Հասարակություն

Փոխվարչապետ Մաթևոսյանն ընդունել է Հայաստանի ամերիկյան համալսարանի նախագահին

Փոխվարչապետ Համբարձում Մաթևոսյանն այսօր ընդունել է Հայաստանի ամերիկյան համալսարանի նախագահ Կարին Մարկիդեսին:

«Հանդիպման ընթացքում դոկտոր Մարկիդեսը ներկայացրել է համալսարանի առաքելությունն ու ընթացիկ ծրագրերը՝ Հայաստանի կայուն զարգացման հեռանկարի վերաբերյալ Կառավարության առաջնահերթություններին համապատասխանեցնելու նպատակով։ Նախաձեռնությունները վերաբերել են արհեստական բանականության, Հայաստանի համայնքների կարողությունների զարգացման, առաջնորդության ու կառավարման, ինչպես նաև նորարարության ոլորտներին։

Փոխվարչապետ Մաթևոսյանը կարևորել է համալսարանում գործող «Մանուկյան Սիմոն» և «Քաղաքականության մշակման և հետազոտության» հիմնադրամների գործունեությունը, որն ուղղված է պետության կարիքներից բխող թեմաներով հետազոտությունների իրականացմանը՝ ՀՀ-ում փաստահեն քաղաքականությունների մշակման գործընթացին նպաստելու նպատակով։

Հանդիպման ընթացքում քննարկվել է նաև Հայաստանի ամերիկյան համալսարանի՝ մարզպետարանների հետ համագործակցելու նախաձեռնությունը՝ վերջիններիս կողմից նախանշված մարտահրավերների ուղղությամբ լուծումներ մշակելու, ինչպես նաև մարզերում կարողությունների զարգացման ծրագրեր իրականացնելու վերաբերյալ»,- ասվում է հաղորդագրության մեջ։

ԱՄԵՆԱԴԻՏՎԱԾՆԵՐԸ

ՎԵՐ