РИА Новости-ի հաղորդմամբ՝ Փարիզում սկսվել է մայիսմեկյան ավանդական երթը։
Չնայած անձրևոտ եղանակին՝ ցուցարարները սկսել են հավաքվել առավոտյան Հանրապետության հրապարակի մոտ, երգեր երգել և պարզել պաստառներ:
Երթին մասնակցել են արհմիութենական և երիտասարդական կազմակերպությունների ներկայացուցիչներ, սոցիալիստական և կոմունիստական կուսակցությունների ներկայացուցիչներ, ինչպես նաև «դեղին բաճկոններ» շարժման կողմնակիցներ, ովքեր բարձրաձայն վանկարկում էին «Մենք դեռ այստեղ ենք»:
Երթի սկզբում ցուցարարները սկսել են շշեր նետել իրավապահների ուղղությամբ: Ոստիկանությունը 17 մարդ է բերման ենթարկել: