Վրաստանի Բաթում քաղաքում 5 հարկանի բնակելի շենք է փլուզվել, որի հետևանքով կան տուժածներ։
Այս մասին տեղեկանում ենք տեղի ԶԼՄ-ներից։
Նշվում է, որ վիրավորների շարքում է նաև 1 տարեկան երեխա, ում ոտքը կոտրվել է։ Նրան արդեն հոսպիտալացրել են։
Այս պահին փրկարարներն ու իրավապահները գտնվում են դեպքի վայրում, իրականացվում են որոնողափրկարարական աշխատանքներ։ Մաքրվում է տարածքը։
Դեպքի առթիվ հետաքննություն է սկսվել։