Երևանի ավտոբուսային պարկը շուտով կհամալրվի նոր շարժակազմով: Այսօր Երևանի քաղաքապետին զեկուցվել է, որ վարորդների հավաքագրումն ընթացքի մեջ է: Արդեն իսկ գրանցվել է 275 վարորդ: Այս մասին զեկուցվել է Երևանի քաղաքապետարանի գործակարգավարական նիստի ընթացքում:
Յուրաքանչյուր կիրակի վերջինների համար պրակտիկ երթևեկ է կազմակերպվում:
Երևանի քաղաքապետարանի գործակարգավարական նիստի ընթացքում նշվել է նաև, որ «Երևանի ավտոբուս» ՓԲԸ-ի աշխատանքային երկարամյա փորձ ունեցող և օրինակելի վարք դրսևորած 10 վարորդ էլ մեկնել են Գերմանիա՝ վերապատրաստման:
