fbpx
Հարցազրույցներ

15:52 29/1/2019

Մենք հետաքրքրված ենք, որ մեր երկրում կառուցվի տարանցիկ գազատար. Փաշինյան

ՀՀ վարչապետ Նիկոլ Փաշինյանը հույս ունի, որ հայ սպառողի համար գազի գինը կիջեցվի: Այդ մասին նա ասել է РБК-ին տված հարցազրույցում:

Ըստ Փաշինյանի` գազի գնի հետ կապված հարցը ԵԱՏՄ տարածքում ամենազգայունն է, արդեն պայմանավորվածություն կա հայ սպառողի համար 2019-ին գազի գինը պահպանելու մասին, սակայն բանակցությունները շարունակվում են:

Լրագրողի դիտարկմանը, որ, միևնույն է, մեկ տարի անց Հայաստանի համար գազի գինը կբարձրանա, Փաշինյանն արձագանքել է. «Ինչո՞ւ եք այդպես կարծում: Ես հույս ունեմ, որ կիջեցվի»:

Հարցին` Հայաստանը պատրաստվո՞ւմ է նվազեցնել էներգետիկ կախվածությունը Ռուսաստանից, ինչպես ցանկանում են որոշ երկրներ, մասնավորապես` հանդես գալով «Հյուսիսային հոսք-2»-ի շինարարության դեմ, նա պատասխանել է. «Ցավոք, ՀՀ-ում «Հյուսիսային հոսք-2» չի կառուցվում»:

«Իսկ մենք հետաքրքրված ենք, որ մեր երկրում նույնպես կառուցվի տարանցիկ գազատար, որը, օրինակ, կտեղափոխեր գազ կամ նավթ Ա կետից Բ կետ: Մենք շատ շահագրգռված ենք նման նախագծերով»,- նշել է Փաշինյանը:

Վերեվ