fbpx
Հասարակություն

Երևան-Սևան ճանապարհին մեքենան շրջվել է․ կա զոհ

Հունիսի 4-ին, ժամը 22։00-ին ահազանգ է ստացվել, որ Սևան-Երևան ավտոճանապարհին տեղի է ունեցել ՃՏՊ․ կան տուժածներ, հայտնում են ՀՀ ԱԻՆ պաշտոնական կայքից։

Նշվում է, որ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Երևան-Սևան ավտոճանապարհի 51-րդ կմ-ին «BMW» մակնիշի ավտոմեքենան (վարորդ` Կ. Ա.) դուրս է եկել ճանապարհի երթևեկելի հատվածից և շրջվել:

Մինչև փրկարարների կանչի վայր հասնելը, վարորդին տեղի ուժերով դուրս են բերել ավտոմեքենայից․ հոսպիտալացման կարիք չի եղել:

Փրկարարները հոսանքազրկել են ավտոմեքենան, դուրս բերել ուղևորի դին և մոտեցրել շտապօգնության ավտոմեքենային։

ԱՄԵՆԱԴԻՏՎԱԾՆԵՐԸ

ՎԵՐ