Mercedes-Benz-ը V8 շարժիչը կվերադարձնի C և E դասի մոդելներին։ Ինչպես հայտնում է Carscoops պորտալը՝ հղում անելով սեփական աղբյուրներին, «turbo-ութ»-ը կրկին կտեղադրվի C-Class-ի և E-Class-ի վրա, սակայն նման շարժիչ կստանան այդ մեքենաների միայն AMG տարբերակները։ Ավելին, V8-ը չի վերադառնա որպես անկախ ագրեգատ, այլ կդառնա հիբրիդային էլեկտրակայանի մաս։ Դա թույլ կտա չորս լիտրանոց տուրբո շարժիչը տեղավորվել Եվրո-7 բնապահպանական ստանդարտի մեջ:
