fbpx
Աշխարհ

Մերկելը Պեկինին Հոնկոնգի ճգնաժամի խաղաղ կարգավորման կոչ է արել

Գերմանիայի կանցլեր Անգելա Մերկելը Չինաստան կատարած եռօրյա այցի ընթացքում Պեկինին Հոնկոնգի ճգնաժամի խաղաղ կարգավորման կոչ է արել։ Նա ասել է, որ Հոնկոնգում բազմամսյա զանգվածային բողոքների թեման քննարկել է Չինաստանի Պետխորհրդի վարչապետ Լի Կեցյանի հետ և հիշեցրել նրան այն մասին, որ Լոնդոնի և Պեկինի միջև պայմանագիրը Չինաստանին բրիտանական նախկին գաղութը վերադարձնելու մասին նախկինի պես գործում է, և Հոնկոնգի քաղաքացիների իրավունքներն ու ազատությունները պետք է ապահովվեն։ Այս մասին տեղեկացնում է DW-ն։

Մերկելի խոսքով՝ ներկա իրավիճակում պետք է անել ամեն ինչ, որպեսզի բռնություն չլինի։ Նա նշել է, որ Հոնկոնգի իշխանությունները ցուցադրում են երկխոսության պատրաստակամություն, և հույս է հայտնել, որ ցուցարարների ներկայացուցիչները նույնպես կմասնակցեն երկխոսությանը քաղաքացիական ազատությունների շրջանակում։

Հարցին, թե կարող է արդյոք Չինաստանը ռազմական ուժ կիրառել, Լի Կեցյանը պատասխանել է, որ կենտրոնական իշխանությունը Պեկինում օրենքի շրջանակում կօգնի Հոնկոնգի իշխանություններին։ Նա միևնույն ժամանակ ավելացրել է, որ Չինաստանը դրա համար բավականաչափ իմաստնություն ունի։

ԱՄԵՆԱԴԻՏՎԱԾՆԵՐԸ

ՎԵՐ