«Բարսելոնայի» ավագ Լիոնել Մեսսին շարունակում է ապաքինվել վնասվածքից։ Լա Լիգայի երկրորդ տուրի շրջանակում «Բետիսի» դեմ կայանալիք խաղում արգենտինացին հավանաբար կլինի թիմի հայտացուցակում։
Ինչպես հայտնում է իսպանական AS պարբերականը, ամեն դեպքում Մեսսին դժվար թե դաաշտ դուրս գա մեկնարկային րոպեներից։ Կատալոնացիների առաջատարը 100 տոկոսով պատրաստ չէ դեռևս ու կարող է սկսել հանդիպումը պահեստային նստարանից։
Նշենք, որ վնասվածքների պատճառով հանդիպումը բաց են թողնելու նաև Ուսման Դեմբելեն և Լուիս Սուարեսը։
Լա Լիգայի բացման խաղում «Բարսելոնան» առանց Մեսսիի 0-1 հաշվով պարտվեց «Աթլետիկին»՝ կրելով 11 տարվա մեջ առաջին պարտությունը մեկնարկային տուրում։
Երկրորդ տուրում «Բարսելոնան» մրցելու է «Բետիսի» հետ։ Հանդիպման մեկնարկը Երևանի ժամանակով 23։00-ին է։
ԽՈՐՀՈւՐԴ Է ՏՐՎՈւՄ ԿԱՐԴԱԼ
