fbpx
Իրավական

Մեթամֆետամին, մարիխուանա և լիրիկա. ոստիկանության բացահայտումը (ՏԵՍԱՆՅՈՒԹ)

Քրեական ոստիկանության թմրամիջոցների անօրինական շրջանառության դեմ պայքարի վարչության ծառայողները ստացել էին ապօրինի թմրաշրջանառության վերաբերյալ հերթական օպերատիվ տեղեկությունը, որն իրացրին ոստիկանության Աշտարակի բաժնի գործընկերների և Արագածոտնի մարզը սպասարկող ճանապարհային ոստիկանների հետ: Օպերատիվ խմբերը Երևան-Աշտարակ ճանապարհին հայտնաբերեցին երեք տղամարդու, որոնք ձերբակալվեցին ու, «Մերսեդեսով» հանդերձ, բերվեցին ոստիկանություն: Կասկածանքը թմրանյութ ձեռք բերելը, պահելն ու իրացնելն էր։ Երևանի բնակիչ, 32-ամյա տղամարդու անձնական խուզարկությամբ հայտնաբերվել է երեք փաթեթ մեթամֆետամին, 30-ամյա երևանցու մոտ լիրիկայի 28 դեղահաբ կար, իսկ վարորդի` Զովունի գյուղի 30-ամյա բնակչի մոտ` մարիխուանա: Այս մասին հայտնել է ՀՀ ոստիկանությունը։

«Մեքենայի զննությամբ հայտնաբերվածը շատ ավելին էր` ընդհանուր մոտ 53 գրամ մեթամֆետամինի 49 փաթեթ, մոտ 93 գրամ մարիխուանայի 58 փաթեթ և լիրիկայի 130 հաբ:

Ձեռնարկված հետագա միջոցառումներով պարզվել է, որ թմրամիջոցներն իրացրել էր 32-ամյա երևանցին՝ «տելեգրամ» հավելվածի էջերից մեկի միջոցով, որի գործունեությունը կասեցվել է:

Դեպքի առթիվ նախաձեռնվել է քրեական վարույթ։ Հանգամանքները նախաքննությամբ պարզվում են:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»,- ասվում է հաղորդագրության մեջ:

ԱՄԵՆԱԴԻՏՎԱԾՆԵՐԸ

ՎԵՐ